Data: 30/09/2007 - Anno: 13 - Numero: 3 - Pagina: 3 - INDIETRO - INDICE - AVANTI
Letture: 1131
AUTORE: Achille Curcio (Altri articoli dell'autore)
Stu ventu d’ottobra comincia a spogghiara nte l’ortu ’a nucara e pampini sicchi, chi l’umbra dunaru, mo queti posaru nta terra vagnata.
’A pergula amica mi para ntostata, è comu mpetrata! Stendendu li rami mi mustra d’o celu na negghia, nu velu. Mo caju malatu,
cà l’occhiu cercandu stu sula ammucciatu diventa vagnatu, ed ogni jornata refridda stu cora. Na pampina mora E mora ciangendu,
cà ’u ventu d’a Sila la porta venendu luntanu, currendu. (da Visioni del Sud, Ediz. La Forgia, Catanzaro 2003) |